ABŞ-da bu gün İranla bağlı brifinq keçiriləcək

ABŞ-da bu gün İranla bağlı mümkün yeni hərbi əməliyyat planları barədə brifinq keçiriləcək.

Bizim.Media xəbər verir ki, bu barədə Axios məlumat yayıb.

Brifinq ABŞ Mərkəzi Komandanlığının rəhbəri admiral Bred Kuper adından təqdim olunacaq.

Nəşr yazır ki, bu brifinq Trampın İrana qarşı hərbi əməliyyatların bərpası ehtimalını ciddi şəkildə nəzərdən keçirdiyini göstərə bilər.

İddialara görə, mümkün hərbi addımların iki əsas məqsədi ola bilər: ya danışıqlarda yaranmış dalanı aşmaq üçün Tehrana təzyiqi artırmaq, ya da müharibənin son mərhələsində həlledici zərbə endirmək.

Hələlik Ağ Ev və ABŞ Mərkəzi Komandanlığı bu məlumatla bağlı rəsmi açıqlama verməyib.

Bizim.Media