Banqladeşin prezidenti Məhəmməd Şahabuddin səhhətinə görə istefa verib.
Bizim.Media xəbər verir ki, bu barədə yerli KİV məlumat yayıb.
"Müxtəlif sağlamlıq problemlərindən əziyyət çəkirəm", - o, qərarının səbəbi ilə bağlı suala cavab verərkən bildirib.
Bununla əlaqədar Milli Parlamentin spikeri Hafiz Uddin Əhməd təcili mətbuat konfransı çağırıb. Konstitusiyaya əsasən, yeni dövlət başçısı seçilənədək prezidentin səlahiyyətlərini parlamentin spikeri icra edəcək.
Qeyd edək ki, M.Şahabuddin 2011-ci ildən 2016-cı ilədək Korrupsiyaya Qarşı Mübarizə Komissiyasının komissarı vəzifəsində çalışıb, 2023-cü ildə Banqladeşin 22-ci prezidenti kimi and içib.
Bizim.Media
