Ərazisinin böyüklüyünə görə, İŞİD artıq İngiltərəni ötüb keçib.
İŞİD-in məxfi idarəçilik sistemi üzə çıxdı.
Moderator.az -ın məlumatına görə, Axar.az ingiltərənin “Deyli Meyl” qəzetinə istinadən xəbər verir ki, İraq və Suriyada geniş bir əraziyə nəzarət edən terror təşkilatının bu idarəçilik sistemi mütəxəssisləri olduqca təəccübləndirib.
İŞİD-in əməliyyatlarını “İerarxiya” adlı bir sistemlə icra etdiyini deyən qəzet təşkilatın neft satışı və daxili işlər kimi məsələlərdə fərqli metodları olduğunu bildirib.
Əbu Əbdül Rəhman əl-Bilavinin evində tapılan yaddaş kartının içində olan məlumatlara əsasən hazırlanan idarəçilik sistemi Əl-Qaidədən tamamilə fərqlənir. Əl-Qaidədə qərarları Ayman əl-Zavahirinin yaxın ətrafı verirdisə, burada məsələ bir az fərqlidir.
“Terrorizm Araşdırma və Analiz Konsorsiumu”nun araşdırmasına görə, təşkilatın hər bir qurumunun məsul şəxsi İŞİD-in özünü “Xəlifə” elan edən lideri Əbubəkr əl-Bağdadiyə təyin olunmuş vaxtlarda hesabat verir. Bağdadinin İraq və Suriya üçün ayrı-ayrılıqda iki köməkçisi var. Hər köməkçinin də müvafiq ölkələri idarə etmək üçün 12 valisi var.
