Nürburqrinq trasında 824 at gücünə malik maskalanmış yeni superkar sınaqdan keçirilib. "Vanquish" modelinin dörd əlavə egzoz borusu alması onun daha güclü "S" versiyasının hazırlandığından xəbər verir. Hazırda "Vanquish" brendin Qeydondakı GT avtomobilləri xəttinə rəhbərlik edir, yeni modifikasiya isə bu yaxınlarda buraxılmış "DB12 S" modelinin xüsusiyyətlərini — o cümlədən təkmilləşdirilmiş aerodinamika və qeyri-standart egzoz sistemini miras alacaq.
Bizim.Media xəbər verir ki, bu barədə "Carscoops" nəşri məlumat yayıb.
Prototip mat-qara rəngdə hazırlanıb, yaşıl kamulyaj isə daha aqressiv ön splitterini önə çıxarır.
Bununla belə, kuzovun ümumi dizaynı standart "Vanquish" versiyasından demək olar ki, fərqlənmir. Xüsusi diqqəti cəlb edən 21 düymlük "Y-Spoke" döymə diskləri isə kompakt "Vantage S" modelindən götürülüb. "Aston Martin" əvvəllər də bu cür yanaşmadan istifadə edib: bu, təkər bazasına köklü dəyişikliklər etmədən modeli gücləndirməyə imkan verir.
Prototipin arxa hissəsi isə xüsusi maraq doğurur. Arxa qapının böyük bir hissəsi tor şəklində hazırlanıb və onun arxasında "Vanquish"in dörd standart borusunun arxasında yerləşən iki böyük egzoz çıxışı görünür. Əlavə olaraq, diffuzor sahəsində daha iki boru quraşdırılıb. Nəticədə, avtomobil ümumilikdə səkkiz egzoz borusu ilə təchiz edilib.
Bizim.Media
