Gizli milyaderlərə açıq məktub...

Cənab GİZLİ milyarderlər, bir anlıq elə bildik ki, TƏLƏ yiyəsi gəldi. Gec də olsa, sizin var-dövlət ehtirasınıza, maliyyə firildağınıza güc gəldi... Əfsus ki, siz yenə gözəl “OYUNUN”x9d özəl iştirakçısı, biz isə yaxından -uzaqdan yalnız və yalnız seyrçisi, aldadılmış və xəyal qırıqlığına uğrayan növbəti şahidləri olduq. Fəqət çoxunuz Hollandiyadan gətirilmiş gül-çiçəklərlə zəngin may ayında qorxu-hürkülü günlər yaşadınız! Elə bil milyonlar, milyardlar qazandığınız gündən bəri müəmmalı İÇİNİZ müsübətə hamilə qalmışdı. Bu ay yamanca ögümə tutdu sizi, illərlə xımır-xımır yediklərinizi “Banda OTEL”x9ddə birdən qusdunuz. Bundan sonra sizi necə qınamaq olaq? Belə uğurlu “qusdurma əməliyyatından”x9d “QALİB”x9d çıxan sizin kimi İŞ adamları axı necə halalla haram, qanunla qanunsuzluq, dostla düşmən arasında sərhədi tanıya bilər?!..

Biz - qəpiyə güllə atanlar giley-güzar edirdik ki, niyə siz BİZNESMENlər, sahibkarlar bağrı QARABAÄž boyda yaralı vətənin vətəndaşı ola bilmirsiniz?!.. Vətənin ağası olanlardan vətəndaşlıq gözləmək bəlkə biz biçarələrin göydə uçan QUŞlardan da mədəd ummağımızdan irəli gəlir?! Son 20 ildə - bir göz qırpımında ayaqdan BAŞA keçib əlçatmaz zirvələrə dirmaşan - yollarağası, dərələrbəyi, dağlarxanı, dənizsultanı, göllərsərdarı, sərhəddarı taxtına çıxanların “suç ortağı”x9d olan sizlərsə əlinizi ağdan qaraya vurmadan güya dönüb olmuşdunuz BÖYÜK İŞ adamları. Əsl işiniz isə himayədarlarınızın və gizli şərikləriniz hesabına banklardan “şirinliklə”x9d aldığınız milyonlarla kreditlərin hesabına xarici ölkələrdə kef çəkmək, yaxtalarda gəzmək, özünüzə və məşuqələrinizə bahalı maşınlar almaq, Abşeron torpaqlarında dəbdəbəli qəsr, saray, villlalar tikdirmək, qanınızı “təzələmək”x9d oldu!

Biz kasıb-küsublar sizi qınayırdıq ki, heç olmasa kefdən-damaqdan başınız ayılmır ki, arada-sırada Allahı yada salıb şükür edəsiniz ki, sizi bizim kimi dözümlü xalqın AÄžALARı edib... Demə içiniz özünüzü, çölünüz də bizi- öz doğma vətənində qəriblik hissi keçirən “özgə”x9dləri yandırırmış. “Dərdiniz-səriniz, aylıq BORC qayğılarınız”x9d başınızdan aşırmış... Axı siz “şapkayla”x9d hər şeyə sahib olsanız da, “şapkasız”x9d qalan nəfsinizə hakim ola bilmirdiniz! İldən ilə harınlaşa-harınlaşa qudururdunuz! Qudura-qudura qədim ODLAR diyarını “QURDALR VADİSİ”x9dnə çevirənlərin ən sadiq “qoçu əsgərləri”x9d oldunuz. Tamahınızın arenasına qoyun-quzu örüşləri darısqallıq elədi, sonra qəbiristanlıqlarda, parklarda, xiyabanlarda hücüm edib, yamyaşıl ağaçları gəmirdiniz, yerində bərli-bəzəkli “obyektlər”x9d ”“ restoranlar ticarət mərkəzləri, şadlıq evləri, özəl klinikalar, gözəllik salonları inşa etdiniz! Gözünüz-könlünüz doymadı, “dahiyanə”x9d baxışlarınız uzaqlara boylandı.

Uzaqlarda yarımçılpaq, gözəl-göycək əcnəbi qızlara, müğənnilərə heyran oldunuz, onların yolunda milyonlar xərclədiniz, məşhurlarını “papanın gül balası”x9d dediyiniz xələflərinizin toy-nişanına, təntənəli açılışını etdiyiniz otellərə-motellərə dəvət edib, onları qiymətli hədiyyələrlə yola saldınız. Fəqət bu gözəl VƏTƏN yolunda qəpiyinizdən belə keçmədiniz! Çünki siz bu vətəni sevmək hissindən vaz keçib onun sərvətinə məcnun kimi aşiq oldunuz, özünə yox! Bu məcnunluq sizin ayağınızı yerdən, milli ruhunuzu eldən-obadan ayırdı.

İstəmədiyi, arzu etmədiyi, xəyalına gətirmədiyi ağrı-acılar, təlatümlü bir həyat yaşatmaqdasız bu xalqın kasıb-aciz, arxasız və “krışasız”x9d övladlarına”¦ Siz və sizin məmur ortaqlarınız hər cür neməti olan “doqquz iqlim qurşağlı”x9d Azərbaycanda zəka sahibini - ziyalını, sadə insanları Sizif əzablarına düçar etdiniz! Öz burnunuzun ucundan o yananı görmədiyiniz ucbatından “Özəlləşməni”x9d özgələşmə kimi dərk etdiniz, özgə, yabançı adlar adı altında yaratdığınız firmalarin “ingilissayağı əli”x9d ilə milətin isti aşına soyuq su caladınız, saf Şollar suyuna cürbəcür rənglər qatdınız. Monopoliyalar yaradıb xaricdən gətirdiyiniz ərzaq məsulları, dərmanlar bu xalqın kişisinin ATAR damarını, qadınının bətnini zəhərlədi.

Siz özündən müştəbeh lovğalarsa gündə bir şirkət, holdinq təsis edib yarada-yarada bunun sonucunun fərqində belə olmadınız. Dollarınız, evronuz, rublunuz, QIR-QIZILINIZ ağlınızdan o qədər çox oldu ki, nə xalqın gələcəyini düşündünüz, nə keçmişini, nə də əsirlikdə qalan Qarabağımızı. Azərbaycanda qazandığınız milyonlarla xarici ölkələrdə özünüzə mülk aldınız, təkcə acından ölən “BİR OVUC”x9d ermənilərdən cənnət Qarabağın kiçik bir parçasını da ala bilmədiz! Heç bu barədə düşündünüzmü, ey sərvətpərəst İş adamları? Əsla yox... Dənizdə, quruda ucaldığınız göydələnlərdən Qarabağ görünürmü, cənab oliqarxlar və süperoliqarxlar?

Axı dədə-babadan təcavüzə məruz qalan bu yurdun zəngini sərvətiylə, əsgəri qılıncıyla, ziyalısı qələmiylə yağıya qarşı birgə savaşıb... Siz isə qılıncla qələmin birliyindən nədənsə üz döndərdiniz. Baxışlarınız məchul nöqtələrə zilləyib vergidən yayınmaq üçün yeni-yeni maxinasiyalar, fırıldaqlar barədə düşündünüz! Çünki sizin əlləriniz kapitalizmdə, ayaqlğarınız sosializmdə, təfəkkürünüz feodal-quldarlıq dünyasında, xəyalınız adı hələ dünyada icad olunmayan kosmik bir ictimai formasiyada gəzib- dolaşdı, yalnız özünüz, yalnız ailəniz üçün misli-bərabəri olmayan fərdi “uğurlar”x9d qazanıb, “xarüqələr”x9d yaratdınız.

Pullarınzı dənizə, çaya, gölə, meşəyə sipər etdiniz! Təbiətlə cəmiyyət arasına “Çin səddi”x9d çəkdinz! Siz nə yerin-göyün dilini bildiniz, nə ANA təbiətin ahını duydunuz, nə də soyub-taladığınız, ruhunu quru çörək ağacından asdığınız bu xalqın səssiz fəryadını eşitdiniz! Sizə dərs deyən müəllimlərinizin, neft-qaz ölkəsinin QUL bazarlarında mövsümü iş arayan həmyaşıdlarınızın gün-güzaranından xəbəriniz varmı?

Yəqin bilirsiniz ki, dünyada 1645 rəsmi milyaderin 173-ü qadındır. Və bu 173 qadımın biri də Qazaxıstan prezidenti Nazarbayevin qızı Dinara Kulibaevadır ki, dünyada 1107 ”“ ci, öz ölkəsində isə 4-cü yerdədir. Xətrinizə dəyməysin a, yəni aranızda Dinaradan çox pul qazanan,var-dövlət sahibi olan beş-on KİŞİ yoxdur Azərbaycanda? Axı biz Qafqaz regionunda və MDB məkanında ən varlı dövlətik. Necə olur ki, hər sahədə birinciliyə CAN atan ölkənin bu günəcən bir-iki milyaderləri olmasın ? Axı Azaərbaycan elə münbit məkandır ki, burda milyader olmaq üçün 2-3 yüksək vəzifədə işləmək kifayətdir.

Vallah, hər il “Forbes”x9d juranlında Rusiyada, Türkiyədə yaşayan azərbaycanlı İŞ admlarının adını oxuyanda hər birimiz fəxarət hissi keçiririk. Qoy hər nə yolla olursa olsun, lap oğurluq, cinayət yolu ilə qazandığınız PULAR sizin olsun, amma Allah xatirinə, bundan belə bu fəxarət hissini bizdən əsirgəməyin! İlk nöbədə şəxsi gəlirlərinizin açıqlanması barədə dövlət qanuna əməl edin! Bir anlıq təsəvvür edin ki, siz bu qanuna son on ildə əməl etsəydiniz, “Forbes”x9ddə görün nə qəqər azərbaycanlı milyarder olardı!.. Və ölkəmizin, işsiz-gücsüz insanlarımızın həyatında nələr, necə dəyişərdi”¦ İnanın, “Forbes”x9d ilk adı düşəcək milyaderimizi bəri başdan alqışlayırıq!..

Axı gözlənilməz “oliqarxqeyt”x9d işi başlayandan çoxunuzun boğazından su da keçmir. Kürkünüzə bit-birə daraşıb elə bil, ora-bura vurnuxursuz; yəqin malınızı-mülkünüzü illərlə qapısını tanımadığınız kasıb-küsub qohum-əqrabanızın adına sənədləşdirirsiz, ya da orda burda gizlədirsiniz ki, əlinizdən çıxmasın! Maşallah, “göz dəyməsin”x9d hiyləgərliyinizin həddi-hüdudu yoxdur!

Bu günəcən korrupsiya ilə mübarizənin aşağı təbəqədə - məişət səviyyəsində gediyinə siz sevinir, biz məyus olurduq. Amma bilmirsiniz ki, vaxt gələcək əsl anti-korrupsiya mexanizmi işə düşəcək!.. Bu, ilk növbədə yaşamaq naminə bankların “girovuna”x9d, “əsirinə”x9d çevrilmiş evsiz-eşiksiz ziyalıların ürəyindən tikan çıxarardı... Amma gəlir bəyənnaməsi haqda qanuna əməl etmədən bunun müşkül bir İŞ olduğu da bəllidir.

Azərbaycan həmin Azərbaycandır! Hacı Zeynalabdinlər, Musa Nağıyevlər, Şəmsi Əsədullayevlər”¦ və başqa milyoçular dövlət postunda səlahiyyət sahibi olmağa can atmadan pullarını xalqın maariflənməsi yolunda xərclədilər. Ziyalılara dəstək oldular. Sizin bəziləriniz isə hacı adını, millət vəkili mandatını, vəzifə səlahiyyətini maliyyə maxinasiyalarına QALXAN edibsiniz. Əgər doğru-dürüst statistika aparılsa, bu gün əhalinin 70-80 faizinin banklara borcu var və borcu bir həftə yubadanda olmazın əzabını çəkirlər. İlk nöbədə bankların problemli şəxslər siyasına düşürlər. Siz isə illərlə vergidən, banklardan “peşakarcasına”x9d yayınıb, yalnız bu “tuthatutda”x9d milyonlara kredit borclarınızı bir günə qaytararaq “xilas”x9d olur, yenidən “Oyununuza ”x9d davam edirsiz! Yenə “çanaq kasıb-küsubun başında çatladı”x9d

Görəsən “oliqarxqeyt”x9d (oliqarxiya yunanca oligarchia - varlıların hakimiyyəti) “İŞİ”x9dnin əsl qalibi kimlərdir? Xalqdan talanan pulları canına sipər edən sizlərmiziniz?.. Əsl məğlubiyyət isə hər bir vətəndaşın özünü doğma vətəndə qərib, aciz və zorakılıq qarşısında gücsüz hiss etməsidir.