Uşaqları tətildən sonra dərsə necə həvəsləndirmək olar?

Uzun tətilin ardından uşaqların yenidən məktəb rejiminə qayıtması həm onlar, həm də valideynlər üçün çətin ola bilər. Yuxu saatlarının dəyişməsi, gec yatmaq və gün ərzində daha çox əyləncəyə vaxt ayırmaq dərs rejiminə uyğunlaşmanı çətinləşdirir.

Bizim.Media-nın məlumatına görə, mütəxəssislər uşağı dərsə birdən-birə deyil, tədricən alışdırmağı tövsiyə edirlər.

Bunun üçün dərslər başlamazdan bir neçə gün əvvəl yuxu və oyanma saatları məktəb rejiminə uyğunlaşdırılmalıdır. Uşağa məktəbin başlaması ilə bağlı müsbət danışmaq da faydalıdır.

Yeni dərs ləvazimatlarını birlikdə seçmək, məktəb çantasını hazırlamaq və uşağın sinif yoldaşları ilə ünsiyyət qurmasına şərait yaratmaq onun məktəbə marağını artıra bilər.

İlk günlərdə uşağın üzərinə çoxlu dərs yükü qoymaq düzgün deyil. Gün ərzində dərs və istirahət vaxtını balanslaşdırmaq vacibdir.

Beləliklə, düzgün yuxu rejimi, tədricən artan dərs yükü və valideyn dəstəyi uşağın tətil sonrası məktəb həyatına daha rahat qayıtmasına kömək edə bilər.

Bizim.Media