BMT Baş Assambleyasının iclasında 164 ölkə tərəfindən dəstəklənən "Equal Earth" (Bərabər Yer) xəritəsində Krım Rusiya ərazisi ilə eyni rəngdə rənglənib.
Bizim.Media TASS agentliyinə istinadla xəbər verir ki, yarımadanın yanında onun "Rusiyanın idarəçiliyi altında olduğu, mənsubiyyətinin isə Ukrayna tərəfindən mübahisələndirildiyi" qeyd edilib.
Ukrayna "Equal Earth" layihəsini dəstəkləyən qətnamə üzrə səsvermədə bitərəf qalıb. Ukraynanın BMT-dəki daimi nümayəndəsi Andrey Melnik bəyan edib ki, Kiyev Rusiyanın nəzarəti altında olan ərazilərin bu cür xəritələrdə bu şəkildə nümayiş etdirilməsini qəbuledilməz sayır və ölkənin suverenlik məsələlərinə dair mövqeyinə uyğun gəlmədiyini hesab edir.
"Equal Earth" proyeksiyası ənənəvi Merkator xəritəsinə alternativ olaraq təklif edilib və Afrika ilə digər regionların ölçülərini daha dəqiq əks etdirmək məqsədi daşıyır. Qətnaməni 164 dövlət dəstəkləyib, Ukrayna, Moldova, Gürcüstan, Serbiya, Litva və Estoniya daxil olmaqla 6 ölkə bitərəf qalıb. ABŞ isə əleyhinə səs verən yeganə ölkə olub.
Bəzi Qərb dövlətləri vurğulayıblar ki, qətnamənin dəstəklənməsi beynəlxalq səviyyədə tanınmış sərhədlərin dəyişdirilməsinin tanınması kimi qəbul edilməməlidir.
Kiprin BMT-dəki nümayəndəsi qeyd edib ki, sözügedən sənəd sırf kartoqrafiyanın texniki və elmi aspektlərinə aiddir, suverenlik və sərhəd məsələlərinə toxunmur.
Bizim.Media
