Artıq Türkiyədə prezidentliyə namizədlər bəlli oldu.
Türkiyədə yaşanan seçim həyəcanını türklər qədər olmasa da azərbaycanlılar da az yaşamır. Seçim sürəcində yaşanan olaylar Azərbaycanda da yaxından izlənilir.xa0
Ərdoğanın ən ciddi rəqibi kim olacaq və seçkilərədək CHP namizədi Məhərrəm İncənin Meral Akşenerə güzəşt edəcəyi relaldırmı? İkinci turun olacağı iddiaları da intensivləşib. Sizin proqnozunuz necədir bu barədə?
Moderator.az bu sualları Türkiyənin Ərciyəs Universiteti Ermənişünaslıq bölümünün başqanı, ermənişünas alim, professor Qafar Çaxmaqlıya ünvanlayıb.
Professor Qafar Çaxmaqlı müxalif qanadın namizədlərinin bir-birinə güzəştə getməyəcəyini bildirib:
MHP-nin də dəstəyi, bir vaxtlar bu partiyadan ayrılan Böyük Birlik partiyasının da bu ittifaqda yer alması yeni bir hadisədir. Digər ittifaqda yer alanların əsas məqsədi Ərdoğana gedəcək səsləri bölmək və birinci turda onun qələbəsinə mane olmaqdır. Ola bilsin ki, bu baş versin, amma ikinci tura ikinci olaraq çıxacaq namizəd - bu ola bilsin Akşener və yaxud CHP-nin namizədi Muharrem İncə olsun, ya da səadətçi Karamollaoğlu. Zənnimcə təkbaşına heç birinin Ərdoğanı məğlub etməyə gücü çatmaz.xa0 Həm də burada müxalif qanadın namizədlərinin bir-birinə güzəştindən söhbət getməyəcək. İkinci tur olarsa ( böyük ehtimalla bu olacaq) ikinci yeri tutan şəxs seçkiyə gedəcək. Müxaliflərin də öz aralarında belə razılaşma var ki, həmin şəxsin qələbəsini təmin etmək üçün fəaliyyətlərini yenə də davam etdirsinlər, yəni seçicilərini həmin namizədə səs verməyə səsləsinlər. Seçim ittifaqı budur. Bundan öncəki müzakirələrdə daha bir namizədə ümid edilirdi- Abdullah Gülə, o isə bəlkə də doğru olaraq bu işə girmədi. Əgər o bu seçkilərdə məğlub duruma düşsəydi, zənnimcə olub-qalan etibarını itirərdi. Bu gün prezident Ərdoğan Kayseridə idi. Çox böyük izdiham vardı. İç Anadolu yenə onun qələbəsini təmin edəcək qala rolunu oynamaqda davam edəcək."
