Quba şəhərinin Nizami parkında Qubanın qədim tarixini özündə əks etdirən bir bina var. Vahid Əhmədovun təşəbbüsü ilə Quba tarixinin qorunmasına və təbliğinə xidmət edən Quba Tarix Diyarşünaslıq Muzeyi.
3 mərtəbəli bu möhtəşəm binanın tariximizin təbliğində çox önəmli yeri var. 1 noyabr parlament serçkiləridən sonra 5-ci çağırış Milli Məclisə Qubadan 3-cü dəfə deputat seçilmiş Vahid Əhmədov muzeyi ziyarət edib.
Muzeyin direktoru Məryəm Hacıyeva millət vəkilini öncə yenidən qubalıların etimadını qazanaraq millət vəkili kürsüsünə seçilməsi münasibətilə səmimi qəlbdən təbrik edib. Daha sonra muzeyin tarixi, muzeydə yaradılmış güşələr, eksponatlar barədə məlumat verib, eyni zamanda bu muzeyin tikintisində aidiyyatı qurumlar qarşısında məsələ qaldırıb muzeyin tikintisinə nail olan Vahid Əhmədova kollektiv adından təşəkkür edib.
Vahid Əhmədov yaradılan güşələrlə bir-bir tanış olub, ekponatların tarixi əhəmiyyətini, gələcəyimiz olan gənc nəslə bu tarixin ötürülməsinin və təbliğinin böyük əhəmiyyət daşıdığını bildirib.
Daha sonra Vahid Əhmədov seçicilərinin çoxsaylı müraciətlərini nəzərə alaraq Qubadakı ofisində ilk qəbulunu keçirib.
Qəbula gələnlər ilk öncə Vahid müəllimi parlament seçkilərindəki qələbəsi münasibətilə təbrik ediblər. Daha sonra seçicilər bir-bir qəbul edilib, onlar tərəfindən qaldırılan məsələlər qeydiyyata alınıb və aidiyyatı qurumlar qarşında qaldırılan məslələrin həlli istiqamətində tövsiyə və göstərişlər verilib.
Növbəti qəbul noyabr ayının axırına planlaşdırılıb.
