Cəmil Həsənli bu gün mətbuat konfransı keçirəcək - AÇIQLAMA

 Milli Şuranın prezidentliyə vahid namizədi Cəmil Həsənli Rüstəm İbrahimbəyovla görüşünün yekunu barədə ictimaiyyətə açıqlama verəcək. Bu barədə Avropa.info- ya C. Həsənli özü bildirib. Onun sözlərinə görə, dünən Tiflisdə R. İbrahimbəyovla onun arasında görüş olub və bu görüşdə Milli Şuradakı durum, seçki prosesində qarşımızda duran məsələlər və vəzifələr və digər məsələlər müzakirə olunub. Bu görüşdə R.İbrahimbəyovun Mili Şura sədrliyindən istefa verib verməməsi ilə bağlı suala cavab verən isə C. Həsənli bildirdi ki, bütün bunlarla bağlı məsələlərin hamısı mətbuat konfransında açıqlama veriləcək. "Mətbuat konfransı da məhz buna görə keçiririk."