ABŞ-ın Müharibənin Öyrənilməsi İnstitutunun (ISW) məlumatına görə, Rusiya ordusu 2026-cı ilin iyul ayında ötən ilin eyni dövrü ilə müqayisədə xeyli az ərazi irəliləyiş əldə edib, lakin rekord sayda canlı qüvvə itkisi verib.
Bizim.Media xəbər verir ki, analitiklərin hesablamalarına əsasən, Rusiya qüvvələri iyul ayında Ukrayna ərazisində təxminən 122 kvadrat kilometr sahəni nəzarətə götürüb. Müqayisə üçün qeyd olunur ki, 2025-ci ilin iyulunda bu göstərici təxminən 456 kvadrat kilometr olub.
ISW bildirir ki, 2026-cı ilin iyulu Rusiya ordusu üçün ilin ən ağır ayı olub. Ukrayna Silahlı Qüvvələrinin Baş Qərargahının məlumatına görə, həmin ay Rusiya ordusunun 42 860 hərbçisi itki verib ki, bu da genişmiqyaslı müharibə başlayandan bəri ən yüksək aylıq göstəricidir.
Hesabatda qeyd olunur ki, Rusiya qüvvələri Konstantinovka istiqamətində hücumları intensivləşdirsə də, şəhəri ələ keçirə və ya əməliyyat baxımından əhəmiyyətli nəticə əldə edə bilməyib.
Bizim.Media
