ABŞ prezidenti Donald Trampın 20 yaşlı kiçik oğlu Barron Tramp artıq ona anası, ABŞ-ın birinci xanımı Melaniya Trampdan daha böyük sərvətə sahib olmağa imkan verən ciddi kapital toplayıb.
Bizim.Media xəbər verir ki, bu barədə Radar Online yazır.
Barronun kriptovalyuta uğuru
Forbes hesabatına görə, Barron Trampın sərvəti təxminən 150 milyon dollar qiymətləndirilir. Gənc Trampın bu maliyyə uğuruna kriptovalyuta sahəsinə yatırımları sayəsində nail olduğu bildirilir.
Məlumata görə, məhz Barron 2024-cü ildə böyük qardaşları Donald Tramp Jr. və Erik Trampı World Liberty Financial kriptovalyuta şirkətini yaratmağa təşviq edib.
Barron tokenlərin satışından təxminən 80 milyon dollar qazanıb.
Onun sərəncamında hazırda təxminən 2,3 milyard dollar dəyərində bloklanmış tokenlər var. Bu tokenlərin kilidi açıldıqdan sonra Barronun əlavə olaraq yarım milyard dollardan çox gəlir əldə edə biləcəyi bildirilir.
İnsayderlərin sözlərinə görə, Barron biznes qurmaq bacarığını atasından miras alıb. O, məqsədyönlüdür və biznesdə “öz izini qoymağa” çalışır, eyni zamanda valideynlərini heyran etməyə can atır.
Melaniya və Donald Trampla müqayisə
Barron rəsmi olaraq 56 yaşlı anası Melaniya Trampı geridə qoyub. Melaniyanın sərvəti təxminən 70 milyon dollar qiymətləndirilir. Bu məbləğə onun kitablarından, çıxışlarından, sənədli layihələrindən və öz memkoininin satışından əldə etdiyi gəlirlər də daxildir.
Bununla belə, gənc nəsil Tramp ailəsinin maliyyə uğurları hazırkı prezidentin sərvəti ilə müqayisədə xeyli kiçik görünür. Donald Trampın sərvəti təxminən 7,3 milyard dollar qiymətləndirilir. Onun kapitalının əhəmiyyətli hissəsinin də uğurlu kriptovalyuta layihələrindən əldə edildiyi bildirilir.
Bizim.Media
