Azərbaycanın dövlət himni səsləndirilib və üçrəngli bayrağımız ucaldılıb.
Azərbaycan idmançıları “Tbilisi-2015”x9d 13-cü Avropa Gənclər Olimpiya Festivalında daha bir qızıl medal qazanıblar. Növbəti qızıl medalı Azərbaycana cüdoçumuz Hasil Cəfərov (73 kq) qazandırıb.
Moderator.az-ın məlumatına görə, idmançımızın şərəfinə Azərbaycanın dövlət himni səsləndirilib və üçrəngli bayrağımız ucaldılıb.
Beləliklə, Azərbaycan ikisi qızıl olmaqla 5 medal qazanıb və bu göstərici ilə reytinq cədvəlində 13-cü yerdədir.
İyulun 31-də yeniyetmə idmançılarımız medallar uğrunda mübarizəni davam etdirəcəklər. Sabah gənclərimiz velosiped, cüdo və üzgüçülük yarışlarında qüvvələrini sınayacaqlar.
