Rusiya Təhlükəsizlik Şurasının sədr müavini Dmitri Medvedev Rusiya Prezidenti Vladimir Putinin Federal Məclisə növbəti müraciəti (və ya rəsmi çıxışı) zamanı yenidən yuxuya dalıb.
Bizim.Media xəbər verir ki, dövlət başçısının çıxışı zamanı kameralar zalda əyləşən rəsmi qonaqları və yüksəkçinli məmurları çəkərkən D.Medvedevin gözlərini yumaraq yatdığı anlar canlı yayıma düşüb.
Bu görüntülər qısa müddətdə sosial şəbəkələrin Rusiya və dünya seqmentində viral olaraq geniş müzakirələrə və müxtəlif memlərin (zarafatların) yaranmasına səbəb olub.
Qeyd edək ki, bu, Dmitri Medvedevin rəsmi dövlət tədbirlərində və Putinin mühüm çıxışlarında ilk yuxuya getmə halı deyil; o, oxşar vəziyyətlərlə daha əvvəl də dəfələrlə medianın gündəminə gəlib.
Bizim.Media
