ABŞ rəsmi olaraq ölkə hüdudlarından kənarda olan xarici vətəndaşlardan siyasi sığınacaq üçün müraciətlərin qəbulunu dayandırmaq qərarına gəlib.
Bizim.Media xəbər verir ki, bu addım ABŞ Ali Məhkəməsinin sığınacaq qaydalarını sərtləşdirən qərarından sonra atılıb.
ABŞ hakimiyyəti artıq Meksika ilə sərhəddəki keçid məntəqələrinə çatan, lakin hələ ABŞ sərhədini rəsmi olaraq keçməyən əcnəbilərin sığınacaq vəsatətlərinə baxmaq öhdəliyini daşımır.
Ağ Ev rəhbərinin müavini Millerin açıqlamasına görə, sığınacaq istəyən şəxslərin müraciətləri rədd ediləcək və onlar digər ölkələrə yönləndiriləcəklər.
Miller vurğulayıb ki, ABŞ-ın qapıları bu kateqoriyadan olan müraciətçilər üçün "tamamilə bağlıdır".
Bizim.Media
