"Real"ın prezidenti Florentino Peres cari mövsümün sonunda komandada struktur dəyişiklikləri etmək niyyətindədir.
Bizim.Media xəbər verir ki, bu barədə sport.es məlumat yayıb.
F.Peres qarşıdan gələn yay Madrid təmsilçisindən ayrılacaq 8 oyunçunun siyahısını tərtib edib.
Siyahıdakı ilk oyunçu Eduardo Kamavinqadır.
Müdafiəçilər Fran Qarsiya və Raul Asensio, eləcə də yarımmüdafiəçi Daniel Seballosun da klubdan ayrılacağı gözlənilir. "Real" müdafiəçilər David Alaba və Daniel Karvaxalın bu yay başa çatan müqavilələrini yeniləmək niyyətində deyil.
"Kral klubu" həmçinin hücumçular Franko Mastantuono və Qonzalo Qarsiyanı icarəyə verməyi planlaşdırır. Vinisius Junior və ya Cud Bellinqemin satılması variantının istisna edilmədiyi vurğulanır.
Bizim.Media
