ABŞ-ın sabiq prezidenti Cimmi Karter hesab edir ki, İsa peyğəmbər eynicinsli nikahları dəstəkləyirdi.
Bu barədə Moderator.az ` The Huffington Post`-a istinadən xəbər verir.
`Mən hesab edirəm ki, əgər o dürüst, səmimi və heç kimə ziyan vurmursa, onda İsa istənilən sevgini dəstəkləyərdi. Mən gey-nikahların kiməsə ziyan vurduğunu görmürəm`, - deyə Karter öz yeni memuarı - `Tam həyat: Doxsan ildə düşüncələr` təqdimatı zamanı bildirib.
Karter öz kitabında inama böyük diqqət ayırır.
Nəşr vurğulayır ki, sabiq prezidentin dini inancları amerikalıların istədiyi şəxslə evlənmək haqqında qanunu dəstəkləməyinə mane olmur.
Qeyd edək ki, iyunun 26-ı ABŞ Ali Məhkəməsi bütün ölkə ərazisində eynicinsli nikahları leqallaşdırıb.
