Finlandiya İkinci Dünya müharibəsi başa çatdıqdan bəri Avropada ən böyük mülki müdafiə təlimlərinə başlayıb.
Bizim.Media "The Washington Post" qəzetinə istinadən xəbər verir ki, təlimlərdə 2 mindən çox insan iştirak edir.
Təlimlərin məqsədi yerli hakimiyyət orqanlarının və sıravi vətəndaşların real hücum şəraitində fəaliyyət qaydalarını məşq etməkdir.
Məlumata görə, təlim ssenarisinə əsasən, Finlandiyanın mərkəzində yerləşən Kuopio şəhərində kritik infrastruktura — o cümlədən elektrik və su təchizatına kiberhücumlar olunur, eyni zamanda qonşu Rusiyadan raket zərbələri təhlükəsi yaranır.
Qeyd edək ki, Rusiya-Ukrayna münaqişəsi başladıqdan sonra Rusiya ilə Finlandiya arasında münasibətlər kəskin şəkildə pisləşib. 2023-cü il aprelin 4-də Finlandiya NATO-nun 31-ci üzvü olub. Həmin ilin noyabrında isə ölkə rəhbərliyi Rusiya ilə sərhədin mərhələli şəkildə bağlanması barədə qərar qəbul edib.
Bizim.Media
