Ukraynanı qışda nə gözləyir? Elektriklə bağlı üç ssenari açıqlandı

Ukraynada qarşıdan gələn qış mövsümü üçün elektrik təchizatı ilə bağlı üç mümkün ssenari hazırlanıb.

Bizim.Media xəbər verir ki, bu barədə informasiyanı “European Pravda” nəşri yayıb.

Nəşrin məlumatına görə, ən pessimist ssenari Rusiyanın enerji infrastrukturuna intensiv zərbələr endirməsi və havanın temperaturunun mənfi 10-15 dərəcəyədək enməsi halında mümkündür. Bu halda klassik elektrik kəsintisi qrafikləri deyil, elektrikin verilməsi qrafikləri tətbiq oluna bilər və əhali gün ərzində cəmi 4-8 saat elektrik enerjisi ilə təmin ediləcək. Bildirilir ki, biznes subyektləri elektrik enerjisini idxal etməli və ya generatorlardan istifadə etməli olacaqlar. Bundan əlavə, iri miqyaslı enerji qəzası riski yüksək qiymətləndirilir.

Optimist ssenariyə əsasən isə kütləvi raket hücumlarının olmaması və mülayim hava şəraiti elektrik enerjisinin yalnız səhər və axşam saatlarında qısamüddətli kəsilməsinə səbəb olacaq.

Baza ssenarisində isə Rusiyanın qış boyu enerji obyektlərinə zərbələri davam etdirəcəyi, nəticədə elektrik enerjisinin gündə 8-14 saat müddətində kəsilə biləcəyi qeyd olunur.

Bizim.Media