Cey Kleyton Milli Kəşfiyyatın direktoru təyin olundu - ABŞ Senatı dəstəklədi

Hazırda oxunan: Cey Kleyton Milli Kəşfiyyatın direktoru təyin olundu - ABŞ Senatı dəstəklədi

627975

ABŞ Senatı Cey Kleytonun Milli Kəşfiyyatın direktoru vəzifəsinə təyin olunması ilə bağlı prosedur səsverməsində onun namizədliyini dəstəkləyib.

Bizim.Media xəbər verir ki, bu barədə C-SPAN telekanalı Senatın iclasına istinadən məlumat yayıb.

Səsvermənin nəticələrinə görə, müzakirələrin dayandırılması və namizədliyin təsdiqi üzrə yekun səsverməyə keçid üçün 51 senator lehinə, 43 senator isə əleyhinə səs verib.

Kleytonun namizədliyi üzrə yekun səsvermənin iyulun 29-da keçirilməsi gözlənilir.

ABŞ Prezidenti Donald Tramp iyunun 11-də Cey Kleytonu Milli Kəşfiyyatın direktoru vəzifəsinə namizəd göstərmişdi. O, daha əvvəl ABŞ-nin Qiymətli Kağızlar və Birjalar Komissiyasına (SEC) rəhbərlik edib.

Qeyd edək ki, Milli Kəşfiyyatın direktoru ABŞ-də fəaliyyət göstərən 18 kəşfiyyat qurumunun işini əlaqələndirən əsas vəzifəli şəxs hesab olunur.

İyulun 21-də Senatın Kəşfiyyat üzrə Xüsusi Komitəsi də Kleytonun namizədliyinin təsdiqlənməsini tövsiyə etmişdi.

Bizim.Media