Bu gün Rusiyanın Donetsk vilayətinin işğal altındakı Yelenovka qəsəbəsində yerləşən cəzaçəkmə müəssisəsində baş vermiş faciənin dördüncü ildönümüdür.
Bizim.Media xəbər verir ki, 2022-ci il iyulun 28-dən 29-na keçən gecə Yelenovkadakı 120 saylı koloniyada baş vermiş partlayış nəticəsində 50-dən çox ukraynalı hərbi əsir həlak olub.
Həlak olanların əksəriyyəti Mariupol və "Azovstal"ın müdafiəsində iştirak etdikdən sonra əsir götürülmüş ukraynalı hərbçilər idi. Onlar mübadilə gözlədikləri vaxt hadisə baş verib.
Rusiya tərəfi hadisəyə görə Ukraynanı ittiham etsə də, sonradan aparılan beynəlxalq araşdırmalar bu versiyanı təsdiqləməyib. BMT-nin missiyası da hücumun Ukraynanın istifadə etdiyi silahlarla həyata keçirildiyinə dair sübut tapmadığını açıqlamışdı.
Rəsmi Kiyev Yelenovkadakı partlayışı hərbi əsirlərə qarşı törədilmiş müharibə cinayəti kimi qiymətləndirir və hadisənin bütün təfərrüatlarının beynəlxalq səviyyədə araşdırılmasını tələb edir.
Bizim.Media
