Peskovun həyat yoldaşı Aİ Şurasını məhkəməyə verdi: 2 milyon avrodan çox təzminat

Rusiya prezidentinin mətbuat katibi Dmitry Peskovun həyat yoldaşı, olimpiya çempionu Tatiana Navka Avropa İttifaqı Şurasına qarşı məhkəmə iddiası qaldırıb.

Bizim.Media xəbər verir ki, Navka ona qarşı tətbiq olunan sanksiyaların ləğv edilməsini və 2 milyon avrodan artıq təzminat ödənilməsini tələb edir.

İddiada qeyd olunur ki, o, kifayət qədər hüquqi əsas olmadan və hüquqi-faktiki səhvlərlə Aİ-nin sanksiya siyahısına daxil edilib.

Navka maddi ziyana görə təxminən 135 min avro, nüfuzuna dəyən zərər və digər qeyri-maddi itkilərə görə isə 1,9 milyon avrodan çox təzminat tələb edir.

Bundan əlavə, o, sanksiyalar nəticəsində özünün və uşaqlarının insan ləyaqəti, şəxsi və ailə həyatı hüquqlarının pozulduğunu iddia edir.

Bizim.Media