ABŞ Prezidenti Donald Trampın 19 yaşlı nəvəsi Kai Tramp son ictimai çıxışlarından sonra sosial şəbəkələrdə geniş müzakirələrə səbəb olub.
Bizim.Media xəbər verir ki, Kai Trampın pərəstişkarları onun məşhur qohumlarından hansına daha çox bənzədiyi barədə fikir yürüdürlər.
Bəziləri onun İvana Trampa, digərləri isə İvanka Trampa və ya anası Vanessaya daha çox oxşadığını düşünür.
Bir sıra ictimai çıxışlardan sonra Kai Tramp dünya mediasının diqqət mərkəzinə düşüb. Tramp ailəsinin tərəfdarları isə onun mərhum nənəsi İvana Trampa getdikcə daha çox bənzədiyini vurğulayırlar.
Ötən həftə Kai “Fox & Friends” səhər televiziya proqramında müsahibə zamanı diqqət çəkib. O, tünd göy rəngli zərif qısa pencək, RW Fine brendinin brilyant “tennis” boyunbağısı taxıb. Gənc qız düz saç düzümü və təbii makiyaja üstünlük verib.
“X”də yayılan paylaşım böyük maraq doğurub
Kai Trampın televiziya proqramlarında çıxışları və ESPY Awards idman mükafatının qırmızı xalçasında debütündən sonra onun görünüşü ilə bağlı müzakirələr daha da artıb.
Pərəstişkarlar onun 2022-ci ildə vəfat edən İvana Trampa heyrətamiz dərəcədə bənzədiyini yazıblar.
İvana Tramp Donald Trampın ilk həyat yoldaşı olub. O, Kai Trampın atası Donald Tramp Jr.-ın, həmçinin İvanka və Erik Trampın anasıdır.
“X” sosial şəbəkəsində bir istifadəçinin Kai Trampın ESPY mükafatlandırma mərasimində qızılı libasda çəkilmiş fotolarını paylaşması viral olub. Paylaşım bir milyondan çox baxış toplayıb.
“Əvvəllər Kai Trampın xalası İvankaya bənzədiyini düşünürdüm və bu həqiqətən belədir. Amma indi başa düşürəm ki, o, gəncliyində nənəsi İvanaya da inanılmaz dərəcədə oxşayır. Eyni təbəssüm, eyni özünəinam və zəriflik...”, – deyə istifadəçi yazıb.
Bir çox şərhçi də bu fikirlə razılaşıb.
“Oxşarlıq həqiqətən heyrətamizdir. Təbəssüm, inam və zəriflik Tramp ailəsinin əvvəlki nəslindəki qadınları xatırladır”, – istifadəçilərdən biri qeyd edib.
Digəri isə yazıb: “Kai öz kimliyini yaradır, amma eyni zamanda ailəsinin irsini ləyaqətlə daşıyır”.
İvana, İvanka, yoxsa Vanessa?
Bununla belə, sosial şəbəkə istifadəçilərinin fikirləri bölünüb. Bəzi insanlar Kai Trampın daha çox anası Vanessaya bənzədiyini düşünürlər.
“Düşünürəm ki, o, daha çox anasına – Vanessaya oxşayır. Anasının saçları uzun olsaydı, onları bacı hesab etmək olardı”, – deyə istifadəçilərdən biri yazıb.
Başqa bir şərhçi isə qeyd edib:
“O, gözəldir. Amma mən açığı nə xalası, nə də nənəsi ilə böyük oxşarlıq görmürəm. Anası çox gözəldir və Kai həm anasının, həm də atasının xüsusiyyətlərinin ideal qarışığıdır”.
Bizim.Media
