Qırğızıstanda üç keçmiş yüksəkvəzifəli şəxsə dövlət çevrilişinə cəhd işi üzrə rəsmi ittiham irəli sürülüb.
Bizim.Media xəbər verir ki, bu barədə 24.kg məlumat yayıb.
Məlumata görə, ittiham olunanlar arasında Qırğızıstan Dövlət Milli Təhlükəsizlik Komitəsinin keçmiş rəhbəri Taşiyev, sabiq deputat Zuluşev və parlamentin keçmiş spikeri Turğunbek uulu da var.
Söhbət kütləvi iğtişaşların təşkilinə və istintaqın dövlət çevrilişinə cəhd kimi qiymətləndirdiyi hərəkətlərə aid ağır ittihamlardan gedir. Hüquq-mühafizə orqanlarındakı mənbələrin məlumatına görə, fiqurantlar Daxili İşlər Nazirliyinin Baş İstintaq İdarəsində dindirilib.
Bildirilib ki, keçmiş məmurların dindirilməsi bir neçə saat davam edib. Bundan sonra onlar idarənin binasını tərk ediblər.
İrəli sürülən ittihamların detalları və istintaqın gedişi barədə rəsmi məlumat açıqlanmır.
Bizim.Media
