Makaronun sirri unda yox, formasındadır - Ən faydalı növü bəlli oldu

Dünyada ən çox istehlak edilən qidalardan olan makaron illərdir çəki artırdığı və qan şəkərini tez qaldırdığı üçün pəhriz siyahılarında mübahisə mövzusu olub. Lakin qidalanma mütəxəssisləri makaronun sağlamlığa təsirini müəyyən edən əsas amilin yalnız un deyil, həm də onun forması və bişirilmə üsulu olduğunu ortaya qoyublar.

Bizim.Media xəbər verir ki, araşdırmalar göstərir ki, makaronun forması həzm olunma sürətinə və orqanizmin qlükoza mənimsəməsinə birbaşa təsir edir:

Qalın və girintili formalar (Penne, Rigatoni, Fusilli): İçi boş, qalın və relyefli makaronlar həzm fermentlərinin nişastaya çatmasını ləngidir. Bu da qan şəkərinin anidən yüksəlməsinin qarşısını alır və uzun müddət tox tutuzdurur.

İncə və uzun formalar (Spaqetti, Kus-kus): Mədədə daha tez parçalanır və qana daha sürətlə qarışır.

Sağlam makaronun 2 qızıl qaydası

Diri bişirmək ("Al Dente"): Makaronu xəmir olana qədər deyil, yüngülcə dişə dəyəcək şəkildə diri bişirmək tərkibindəki nişastanın müqavimətli kalmasını təmin edir. Bu halda makaron bağırsaqdakı xeyirli bakteriyaları bəsləyən lif kimi təsir göstərir.

Kələ-kötür və qat-qat strukturlar: Səthi girintili olan növ makaronlar yağı və sousu daxilinə hopdurmaq əvəzinə səthində saxlayır, nəticədə daha az sousla yüksək ləzzət verir.

Ən sağlam qida rasionu üçün tam buğda, nohud və ya mərcimək unundan hazırlanmış Penne (qələm) və ya Fusilli (buruq) formalarına üstünlük verilməlidir. Diri bişirilmiş bu makaronları zeytun yağı, bol tərəvəz və zülalla birləşdirdikdə mükəmməl metabolizm dostu yeməyə çevrilir. (milli.az)

Bizim.Media