Almaniya Silahlı Qüvvələri süni intellekt texnologiyaları ilə təchiz edilmiş CA-1 adlı avtonom robot-aşpazı sınaqdan keçirir.
Bizim.Media xəbər verir ki, layihə çərçivəsində hazırda təxminən 900 hərbçi robotlaşdırılmış mətbəxdə yemək sifariş edə bilir.
Münhendə yerləşən “Circus Group” şirkətinin hazırladığı CA-1 robotunun sınaqları apreldən başlayıb. Şirkətin təsisçisi və baş direktoru bildirib ki, sistem təxminən 7 kvadratmetr sahəni əhatə edən tam avtomatlaşdırılmış mətbəxdən ibarətdir.
Mətbəxdəki iki robot qolu təxminən 30 müxtəlif bölmədə saxlanılan ərzaqları götürərək fırlanan bişirmə qablarına yerləşdirir.
Sensorlar yemək hazırlanması prosesini izləyir. Sistem ənənəvi yemək bişirmə zamanı insan təcrübəsi və nəzarəti tələb edən işləri avtomatlaşdırmaq üçün nəzərdə tutulub.
Bizim.Media
