"Bu il bağça müəllimləri ilk dəfə sertifikatlaşdırma imtahanı verəcək" - Eşqi Bağırov

"Bu il sertifikatlaşdırma prosesinin sonuncu mərhələsidir"

Bizim.Media xəbər verir ki, bu sözləri Məktəbəqədər və Ümumi Təhsil üzrə Dövlət Agentliyinin direktoru Eşqi Bağırovun bu gün keçirilən brifinqdə qeyd edib.

Onun sözlərinə görə demək olar ki, bütün fənnlər üzrə, 80 min müəllim bu prosesdən keçib. Bu rəqəm cari ildə 100 minə çatacaq:

“İmtahan prosesindən uğurla keçdiyi üçün maaşını artımla alacaq müəllimlərin sayı sentyabrdan 90 minə çatacaq. Bu artım yüksək bal toplayanlar üçün 35%, ümumiyyətlə müsabiqədən uğurla keçənlər üçün 10 % nəzərdə tutulur.

Direktor bildirib ki, bu il ilk dəfə olaraq bağçalarda tərbiyəçilər və metodistlər də sertifikatlaşdırmadan keçəcək. Bu prosesin oktyabrda başlanması nəzərdə tutulub.

"2026-cı il üzrə müəllimlərin sertifikatlaşdırılma prosesinin isə 17-25 iyun tarixində təşkil olunması planlaşdırılır".

Nəzrin Mirzəyeva, İntiqam İbrahimov, Bizim.Media