Heç bir gün düşünə bilərdiniz ki, ÇİPS FAYDALI OLA BİLƏR?

“Çips turizm yürüşləri çərçivəsində orqanizmi lazımi kalori ilə təmin edə bilər”.

Bizim.Media xəbər verir ki, bunu diyetoloq Natalya Mizinova “NEWS.ru”ya müsahibəsində deyib.

Onun sözlərinə görə, qəlyanaltıların istehlakı həm də müsbət emosiyalar gətirə bilər, lakin bu, mülayim şəkildə mümkündür.

"Çipsin faydalı ola biləcəyi iki məqamı qeyd etmək olar. Birincisi, digər qidaların əlçatan olmadığı vəziyyətlərdə sürətli kaloriyə ehtiyac duyulduğu zamandır. Məsələn, çətin bir turizm yürüşündə bir paket qəlyanaltı çıxarırsınız.

Paketin içində o, nəmdən qorunur və siz tez bir zamanda qəlyanaltı edərək lazımi kaloriləri alırsınız. İkincisi, emosional aspektdir: insan qidadan zövq və həzz alır. Bəzən bunu nəzərə almağa dəyər, lakin daimi əsasda deyil və az miqdarda", — deyə Mizinova bildirib.

Eyni zamanda, o vurğulayıb ki, çips piylənməyə səbəb ola və mədə-bağırsaq traktının sağlamlığına mənfi təsir göstərə bilər.

Dietoloqun sözlərinə görə, bu məhsulun tərkibində narahatlıq doğuran trans-piylər və kimyəvi maddələr mövcuddur.

Bizim.Media