Ermənistanın Baş naziri Nikol Paşinyan ölkənin dəmir yollarının Ermənistanın mülkiyyəti olduğunu və onların idarəçiliyinin tam şəkildə rəsmi İrəvana məxsus olmağının vacibliyini bəyan edib.
Bizim.Media xəbər verir ki, Paşinyan bu barədə hökumətin iclasından sonra keçirdiyi brifinqdə danışıb.
O bildirib ki, məsələni ilk növbədə danışıqlar yolu ilə həll etmək niyyətindədirlər. Lakin Rusiya güzəştə getməyəcəyi təqdirdə Ermənistan Beynəlxalq Arbitraj Məhkəməsinə müraciət edəcək.
"Əgər Rusiya tərəfi razılaşmasa, məsələ Beynəlxalq Arbitraj Məhkəməsində baxıla bilər. Məsələn, 30 il ərzində heç nə tələb etmədiyimiz məsələlər ön plana çıxa bilər. İndi isə həmin məsələlərə görə ildə 2 milyard dollar tələb edəcəyik", – deyə Paşinyan bildirib.
Baş nazir əlavə edib ki, söhbət məhz Ermənistan ərazisində yerləşən dəmir yolu və digər nəqliyyat infrastrukturunun istifadəsinə görə icarə ödənişlərindən gedir.
Bizim.Media
