Peskov: Ukraynada yeni Komandanın təyinatı cəbhədə ciddi dəyişiklik yaratmayacaq

Ukrayna Silahlı Qüvvələrinin yeni Baş komandanının təyin olunması cəbhədə vəziyyəti ciddi şəkildə dəyişməyəcək.

Bizim.Media xəbər verir ki, bunu Kremlin sözçüsü Dmitri Peskov bildirib.

Onun sözlərinə görə, Kiyev məsuliyyətli qərar qəbul edərsə, döyüş əməliyyatlarını tez bir zamanda dayandırmaq və ciddi danışıqlara başlamaq mümkündür:

“Ukrayna ətrafındakı vəziyyətlə bağlı ərazi məsələlərinin ictimai şəkildə müzakirəsi mümkün deyil. Vladimir Putinin iki il əvvəl döyüşlərin dayandırılması üçün irəli sürdüyü şərtlər qüvvədə qalır və Kiyevə yaxşı məlumdur. Rusiya ABŞ-da keçiriləcək G20 sammitində yüksək səviyyədə təmsil olunacaq. Sanksiyaların həddi olmadığı kimi, Avropa siyasətçilərinin “ağılsızlığının da həddi yoxdur. Əgər əvvəlki Aİ sanksiyaları Avropa iqtisadiyyatına dolayı zərbə vururdusa, 21-ci sanksiyalar paketi birbaşa təsir göstərəcək və bu, daha ağır nəticələr yaradacaq”.

Bizim.Media