Rusiyanın Zaporojyedə yerləşən "Epitsentr" ticarət mərkəzinə endirdiyi zərbə nəticəsində 4 nəfər xəsarət alıb.
Bizim.Media xəbər verir ki, bu barədə Zaporojye Vilayət Hərbi Administrasiyasının rəhbəri İvan Fedorov teleqram kanalında məlumat yayıb.
"Rusiya dronu tikinti materialları satılan hipermarketini vurub. Təxminən iki min kvadratmetr sahədə yanğın baş verib. Hadisə nəticəsində 4 nəfər yaralanıb", – deyə İvan Fedorov bildirib.
Hadisə yerinə dərhal xilasedicilər və təcili tibbi yardım briqadaları cəlb olunub, yanğının söndürülməsi istiqamətində işlər aparılır.
Bizim.Media
