Türkiyənin Qara dəniz sahillərində kamikadze dronunun qalıqları aşkar edilib.
Bizim.Media xəbər verir ki, bu barədə IHA xəbər agentliyi məlumat yayıb.
PUA-nın partlayıcı maddələr daşıdığı vurğulanıb. Dron İstanbul sahillərində, Karaburun rayonunda yerə düşüb.
Hadisə yerinə gələn Hərbi Dəniz Qüvvələrinin xüsusi təyinatlı qüvvələri idarə olunan partlayış həyata keçirərək dronu zərərsizləşdirib.
Qalıqlar texniki müayinə üçün Ankaraya göndərilib.
Qeyd etmək lazımdır ki, bu, Türkiyə sahillərində döyüş dronlarının aşkarlanması ilk dəfə deyil. Türkiyənin Qara dəniz əyalətləri olan Samsun, Trabzon və Kastamonuda dəfələrlə dron müşahidə edilib.
Melisa, Bizim.Media
