Bu gün Latviyanın paytaxtı Riqada keçirilən güləş üzrə Avropa çempionatında Azərbaycan yığması daha bir medal qazanıb.
Moderator.az xəbər verir ki, təsnifat mərhələsində litvalı Sarunas Yursisə (11:0), dörddən bir finalda isə Bolqarıstan təmsilçisi Vladimir Vladimirova (11:0) qalib gələn güləşçimiz Hacı Əliyev (61 kq çəki kateqoriyası), yarımfinalda gürcü Vladimer Kinçeqaşviliyə məğlub olub (4:2).
Bürünc medal uğrunda təsəlliverici görüşdə isə Hacı Ermənistan idmançısı Valodya Franqulyanla qarşılaşıb.
Rəqibinə aman verməyən Əliyev rəqibinə təmiz qələbə qazanıb ”“ 7:0.
Qeyd edək ki, Hacı erməni rəqibi ilə 2015-ci ilin Avropa Oyunlarında da qarşı-qarşıya gəlmiş və elə həmin görüşdə də Franqulyanın arxasını yerə vurmuşdu. Maraqlısı odur ki, elə o zaman da Əliyev rəqibinə 7:0 hesabı ilə qalib gəlmişdi.
