Bakı-Şamaxı-Yevlax yolunun 121-ci km-də ağır avtomobil qəzası baş verib. Moderator.az-ın ANS PRESS-ə istinadən verdiyi məlumata görə, Şamaxıdan Ağsu istiqamətində hərəkətdə olan Cəlil Maşallah oğlu İsgəndərova məxsus “VAZ-2107” markalı, 10 TR 067 dövlət qeydiyyatlı avtomaşın eyni istiqamətdə olan, “VAZ-21015” markalı, 90 RU 165 nömrə nişanlı avtomaşınla ara məsafəni düzgün seçməyərək toqquşublar. Hadisə nəticəsində “VAZ-2107” markalı avtomaşın içindəki sərnişinlərlə birlikdə aşıb.
Qəza nəticəsində “VAZ-2107” markalı avtomaşında olan 4 nəfər sərnişin ağır yaralanıb.
Qeyd edək ki, qəzaya uğrayan “VAZ-21015” markalı avtomaşının sürücüsü sərnişin daşıma qaydalarında riayət etməyərək 6 nəfər sərnişin aparırmış.
Faktla bağlı Baş Dövlət Yol Polis İdarəsi tərəfindən araşdırma aparılır.
