Paytaxt Bakı növbəti iri idman tədbirinə hazırlaşır.
Bizim.Media xəbər verir ki, bu gün şəhərdə keçiriləcək marafona rəsmi start veriləcək.
Yarışa minlərlə iştirakçının qatılması gözlənilir. İlkin məlumatlara görə, marafonda həm peşəkar idmançılar, həm də həvəskar qaçışçılar iştirak edəcək.
Təşkilatçıların açıqlamasına əsasən, marafona qoşulanların sayı təxminən 20 min nəfərə yaxın qiymətləndirilir. Bu göstərici tədbirin regionun ən kütləvi idman yarışlarından biri olduğunu bir daha təsdiqləyir.
Qeyd edək ki, marafon şəhərin mərkəzi küçə və prospektlərini əhatə edəcək, bu səbəbdən bəzi yollarda müvəqqəti məhdudiyyətlər tətbiq olunacaq.
Bizim.Media
