“Azərbaycan müstəqil dövlət kimi heç nəyə nəzarət edə bilmir”. Bunu Moderator.az-a açıqlamasında AXCP-nin sədr müavini Nurəddin Məmmədli bildirib. Sədr müavini dövlət başçısının “Biz təmas xəttində üstünlüyü tam şəkildə əldə etmişik. Təmas xəttində vəziyyətə tam şəkildə biz nəzarət edirik” kimi sözləri ilə millət vəkili Qənirə Paşayevanın “Ermənistan beynəlxalq təşkilatların soyuq münasibətindən istifadə edərək, dinc sakinləri atəşə tutur” kimi sözlərinin ziddiyyət təşkil etməsiə diqqət çəkib. Onun sözlərinə görə, bu kimi fərqli çıxışlar birmənalı qarşılanmır:
“Faktiki olaraq ölkə Qərbdən, Şimaldan gələn tapşırıqlar əsasında idarə olunur. Təkcə son zamanlar hakimiyyətin Qərblə Rusiya arasında seçimlə bağlı qeyri-ardıcıl, qətiyyətsiz, ziddiyyətli mövqelər sərgiləməsi, "nurçu"luqla bağlı, Türkiyənin tapşırığı ilə Azərbaycan təhsilinə zərbə vuran addımların atılması və s. dediklərimin sübutudur. O cümlədən, bu iki etiraf əsl reallığın fərqli olduğunu ortaya qoyur”.
