Milli Təhlükəsizlik Nazirliyi tərəfindən həbs edilmiş jurnalist və hüquq müdafiəçisi Pərviz Həşimlinin müdafiəsinə daha bir vəkil qoşulub. Tanınmış vəkil Yalçın İmanov Bizimyol.info saytına bildirib ki, orderi istintaq oraqanına təqdim edib. “Orderə əsasən MTN-in təcridxanasında Pərviz Həşimliyə təqdim edildim və o, məni müdafiəçi kimi qəbul etdiyini bildirdi” ”“ deyən Y.İmnaov vurğuladı ki, P.Həşimli ilə sistematik görüşmək üçün müstəntiqə məktubla müraciət edəcək.
Qeyd edək ki, Pərviz Həşimlinin hüquqlarını vəkillər - Elçin Sadıqov və Bəhruz Bayramov da müdafiə edir.
Pərviz Həşimli ittihamları qəbul etmir, hüquq müdafiəçiliyi və jurnalist fəaliyyətinə görə saxta ittihamla həbs edildiyini bəyan edir. Amnesty İnternational təşkilatı Pərviz Həşimlini “vicdan məhbusu” kimi tanıyıb.
