noyabrın 3-dən etibarən ABŞ-yə beynəlxalq reyslərlə gələn bütün sərnişinlər, o cümlədən tranzit səyahətçilər son 21 gün ərzində Konqo Demokratik Respublikasında olmadıqlarını təsdiqləyən kağız və ya elektron bəyannamə imzalamalı olacaqlar.
Bizim.Media xəbər verir ki, bu barədə ABŞ Xəstəliklərə Nəzarət və Profilaktika Mərkəzləri (CDC) məlumat yayıb.
Yeni qaydaya əsasən, Konqo Demokratik Respublikasının hava limanında tranzit keçid də ölkədə olma kimi qiymətləndiriləcək.
Bu, sərnişinin təyyarəni və ya hava limanının binasını tərk etmədiyi hallara da şamil olunur.
Yetkinlik yaşına çatmayan sərnişinlər üçün bəyannaməni səlahiyyətli nümayəndə imzalamalıdır.
Bizim.Media
