4 otaqlı mənzil telefon qiymətinə! - KƏSKİN UCUZLAŞMA

Avropanın mərkəzində, Türkiyədəki telefon qiymətinə mənzil sahibi olmaq artıq reallığa çevrilib.

Bizim.Media “Sözçü” nəşrinə istinadən xəbər verir ki, Macarıstanın şimalında, Slovakiya sərhədinə yaxın yerləşən tarixi Salqotaryan şəhərində əhalinin azalması ilə daşınmaz əmlak bazarı demək olar ki, çöküb. Şəhərdə 2+1 və 3+1 otaqlı mənzillər məşhur əmlak saytlarında orta hesabla 4 000–8 000 avro (təxminən 8000 – 16000 manat) arasında satışa çıxarılıb.

Əhali azaldıqca ev qiymətləri düşdü

Bir vaxtlar Macarıstanın ən mühüm mədən və ağır sənaye mərkəzlərindən biri olan Salqotaryan şəhərinin taleyi kommunist rejiminin sona çatması və fabriklərin bir-bir bağlanması ilə tamamilə dəyişdi. İş imkanlarının tükənməsi ilə xüsusilə gənclər iş tapmaq məqsədilə paytaxt Budapeştə və ya xarici ölkələrə köç etdilər. Şəhərdə baş verən bu kütləvi əhali itkisi daşınmaz əmlak bazarını tarixin ən aşağı səviyyələrinə endirdi.

Türkiyədəki telefon qiymətinə mənzillər satilir

Türkiyədə orta hesabla bir telefonun qiymətinə satılan bu mənzillər xarici investorların diqqətini cəlb etməyə başlayıb. Şəhərdə minlərlə boş mənzilin olması qiymətlərin artmasına mane olur. Yerli hakimiyyət orqanları isə şəhəri yenidən cəlbedici mərkəzə çevirmək və əhalinin köçünün qarşısını almaq üçün müxtəlif sosial layihələrə diqqət yetirirlər.

Lakin mövcud vəziyyətdə Salqotaryan Avropada yaşamaq böhranının tam əksinə olaraq, demək olar ki, pulsuz mənzil təklif edən nadir bölgələrdən biri olaraq qalır. (yenisabah.az)

Bizim.Media