Donald Tramp: Zelenski ABŞ və bütün dünya üçün problemlər yaratmaq istəyir - VİDEO

 ABŞ prezidenti Donald Tramp Ukrayna prezidenti Volodimir Zelenskinin ABŞ və bütün dünya üçün problemlər yaratmaq istədiyini deyib.

Bizim.Media Rusiya mətbuatına istinadən bildirir ki, Tramp Zelenskini dərhal dayanmağa çağırıb.

ABŞ prezidenti bildirib ki, Zelenski istədiyini edə bilər, lakin Rusiya neft emalı zavodlarına zərbələr endirməyi dayandırmalıdır:

"O, bu münaqişəni dəfələrlə həll edə bilərdi, lakin bunu etməməyi seçdi. Biz dedik ki, Rusiya ilə bağlı istədiyinizi edə bilərsiniz, amma neft emalı zavodlarına zərbə vurmayın, çünki bu, qlobal problem yaradır – o isə bütün dünya üçün problemlər yaratmaq istəyir.

O, dizel yanacağı ilə bağlı fermerlərimiz və heyvandarlarımız üçün çətinliklər yaratmaq istəyir, çünki Rusiya dünya bazarına dizel yanacağının əhəmiyyətli bir hissəsini təchiz edir. Biz onlara dedik: istədiyinizi edin, amma dizel yanacağı ilə əlaqəli obyektlərə zərbə vurmayın, çünki bu, böyük bir problem və ciddi təhlükə yaradır. Bəs o nə edir? Gedib həmin obyektlərə zərbə vurur."


Bizim.Media