Netanyahu İranla münaqişənin başa çatması üçün şərtləri açıqladı - VİDEO

İsrailin Baş naziri Benyamin Netanyahu İranla münaqişənin yalnız hazırkı rejimin süqutu və ya Tehranın nüvə proqramından imtina etməsi ilə başa çata biləcəyini bildirib.

Bizim.Media xəbər verir ki, Netanyahu bu barədə “Fox News” telekanalına müsahibəsində deyib.

O vurğulayıb ki, İran razılaşma ilə və ya razılaşma olmadan nüvə proqramının inkişafını dayandırmalıdır.

İsrail hökumətinin başçısı həmçinin xəbərdarlıq edib ki, İran və ya onun müttəfiqləri tərəfindən hücum olacağı təqdirdə İsrail “çox və çox qətiyyətli” cavab verəcək.

Netanyahu İsrailin beynəlxalq təcrid vəziyyətində olması ilə bağlı iddiaları da təkzib edib. Onun sözlərinə görə, Afrika, Latın Amerikası, Asiya və hətta Avropadakı bir çox ölkə İsraillə əməkdaşlıq etmək, onun texnologiyalarından və hərbi imkanlarından yararlanmaq istəyir.


Bizim.Media