Ukrayna Prezidenti Volodimir Zelenski Rusiyanın mülki obyektlərə hücumlarını tənqid edib.
Bizim.Media xəbər verir ki, Zelenski Çerniqovda adi supermarketə PUA ilə endirilən zərbənin “tamamilə mənasız” olduğunu bildirib.
“Sadəcə insanlara zərbə endirilib, bunun heç bir hərbi mənası yoxdur”, – deyə Ukrayna lideri qeyd edib.
O bildirib ki, rus qüvvələri Zaporojyeyə də aviasiya bombaları ilə zərbələr endirib. Hücum nəticəsində bir nəfər ölüb, daha biri yaralanıb. Zelenski həlak olan şəxsin yaxınlarına başsağlığı verib.
“Bu, heç bir hərbi əsaslandırması olmayan şüurlu Rusiya terrorudur. Rusiyaya qarşı daha sərt sanksiyalar, Ukraynaya daha çox dəstək, səmanı qorumaq üçün daha çox vasitə və hərbçilərimiz üçün daha geniş imkanlar lazımdır”, – deyə Zelenski bildirib.
Bizim.Media
