Putin: “Rusiyanın heç bir təcavüzü yoxdur”

Rusiya Prezidenti Vladimir Putin Sankt-Peterburqda Hərbi Dəniz Donanmasının hərbçiləri ilə görüşdə Rusiya-Ukrayna müharibəsi ilə bağlı açıqlamalar verib.

Bizim.Media xəbər verir ki, Putin Rusiyanın heç bir təcavüzə yol vermədiyini iddia edib.

Onun digər açıqlamaları belə olub:

Rusiya müharibəyə başlamayıb, Kiyevin Qərbin dəstəyi ilə başladığı hərbi əməliyyatlara cavab verir;

Dəfələrlə Ukraynanın öz kimliyini axtardığını eşitdiyini, lakin bunun niyə nasizm və neonasizm əsasında qurulmalı olduğunu anlamadığını bildirib;

Patriotizmin Vətən naminə olduğunu, kiməsə qarşı yönəlmədiyini, millətçiliyin isə hər zaman başqalarına qarşı olduğunu deyib;

Rusiyanın “Poseydon” aparatının hazırlanmasını başa çatdırmağa və onu döyüş növbəsinə çıxarmağa yaxınlaşdığını bildirib;

Rusiyada müasir silahlarla təchiz edilmiş kiçik gəmilərin meydana gəldiyini qeyd edib;

Ölkədə sualtı və suüstü pilotsuz qayıqların yaradıldığını və onların döyüş bölgəsində effektiv fəaliyyət göstərdiyini deyib;

Dünyada çox az ölkənin “Sirkon” kimi silahlara malik olduğunu, Rusiyanın isə bu sistemləri təkmilləşdirməyə davam edəcəyini bildirib;

Dəniz piyadalarının hər zaman ön mövqelərdə olduğunu vurğulayıb.

Bizim.Media