ABŞ-ın vitse-prezidenti Cey Di Vens Vaşinqton və Tehran arasında münaqişənin yenidən kəskinləşə biləcəyindən narahatdır.
Bizim.Media xəbər verir ki, bu barədə CNN məlumatlı mənbələrə istinadən xəbər yayıb.
Məlumata görə, bundan əvvəl The New York Times ABŞ Prezidenti Donald Trampın İrana qarşı hərbi kampaniyanın genişləndirilməsi planlarını təxirə saldığını yazıb.
Bildirilir ki, Tramp mümkün eskalasiyanın ABŞ-ın raket və sursat ehtiyatlarını təhlükəli səviyyədə azalda biləcəyindən ehtiyat edir.
Axios nəşrinin məlumatına əsasən, iyulun 24-də Omandan olan nümayəndə heyəti danışıqlar aparmaq üçün Tehrana səfər edib. Bundan sonra Donald Tramp İrana qarşı yeni zərbələrin endirilməməsi barədə göstəriş verib.
Bizim.Media
