Ukrayna daxili işlər naziri İqor Klimenko müdafiə naziri vəzifəsinə təyin olunmaqdan imtina edib.
Bizim.Media xəbər verir ki, bu səbəbdən iyulun 16-da Ali Radada bu vəzifəyə təyinatla bağlı səsvermə keçirilməyəcək.
Bu barədə məlumatı Ali Radanın deputatı Mariya Mezentseva verib. Onun "Insider" nəşrinə verdiyi açıqlamaya görə:
"Bu gün müdafiə naziri seçilməyəcək. Fraksiyada əlavə məsləhətləşmələr aparılacaq, çünki Klimenkonun vəzifədən imtina etdiyi bildirilir".
Bununla yanaşı, Ali Radanın deputatı Yaroslav Jeleznyak özünün "Telegram" kanalında yazıb ki, hətta Klimenkonun namizədliyi irəli sürülsə belə, o, təyin olunmaq üçün kifayət qədər səs toplaya bilməyəcəkdi.
Digər tərəfdən, deputat Olqa Vasilevskaya-Smaqlyuk öz "Telegram" kanalında bildirib ki, xarici işlər naziri istisna olmaqla (onun namizədliyi Vladimir Zelenski tərəfindən hələ təqdim olunmayıb), digər nazirlərin namizədlikləri razılaşdırılıb və iki saatlıq fasilədən sonra keçiriləcək paket səsvermə zamanı təsdiqlənəcəklər.
Bizim.Media
