Rusiya Ermənistan balığını Türkiyə balığı ilə əvəzlədi

Rusiya Ermənistandan balıq idxalının dayandırılmasından sonra yaranan boşluğu doldurmaq üçün digər ölkələrdən satınalmaları artırıb.

Bizim.Media xəbər verir ki, bu barədə TASS agentliyinə "Rosselxoznadzor"un rəhbəri Sergey Dankvert məlumat verib.

Qurum rəhbəri bildirib ki, Rusiya tərəfi Ermənistandan diri balıq tədarükünə məhdudiyyətlər qoyulacağını qabaqcadan təxmin edirdi. Bu səbəbdən digər ölkələrdən məhsul idxalı artırılıb.

Xüsusilə, qızılbalıq (forel) tədarükündə Rusiya əsasən İran və Türkiyə bazarlarına yönəlib.

S. Dankvert vurğulayıb ki, tədarükçülərin sayının çox olması işi xeyli asanlaşdırır. Böyük seçim imkanı olduqda, hər hansı bir tərəfdaşdan asılılıq yaranmır və nəticədə məhsul qıtlığı riskinin qarşısı alınır.

Bizim.Media