Qorxu anında insanın donub qalması təsadüfi deyil. Bu, beynin avtomatik müdafiə mexanizmlərindən biridir. Təhlükə hiss edilən kimi beyin vəziyyəti ildırım sürətilə analiz edir və bədəni “qaç, mübarizə apar və ya don” reaksiyasına hazırlayır. Bəzi hallarda isə ən təhlükəsiz seçim hərəkətsiz qalmaq olur və insan sanki yerində “kilidlənir”.
Bizim.Media xəbər verir ki, aparılan araşdırmalara görə, bu vəziyyət əsasən beynin emosiyaları idarə edən hissəsinin - amigdalanın aktivləşməsi ilə bağlıdır.
Orqanizm təhlükəni çox yüksək qiymətləndirdikdə, qəfil hərəkətin daha böyük risk yaradacağını düşünərək bədəni müvəqqəti dayandırır.
Bu, vəhşi təbiətdə heyvanların yırtıcılardan gizlənmək üçün istifadə etdiyi instinktiv davranışa bənzəyir.
Maraqlıdır ki, donub qalmaq zəiflik deyil, əksinə, sağ qalmaq üçün inkişaf etmiş qədim bir refleksdir. Bəzi hallarda bu reaksiya saniyələr içində keçib gedir, bəzən isə daha uzun çəkir.
Yəni qorxu anında hərəkətsiz qalmaq, əslində bədənin səni qorumaq üçün seçdiyi səssiz strategiyadır. (Metbuat.az)
Bizim.Media
