Bildiyimiz kimi bu gün Azərbaycanda müəllimlər günü qeyd olunmaqdadır. Maraqlıdır, ölkəmizdə bu şərəfli peşəyə yetərincə qiymət verilirmi?
Moderator.az-a
açıqlama verən təhsil eksperti Etibar Əliyevin sözlərinə görə, bu gün ölkəmizdə
müəllimlərə olan diqqət istənilən səviyyədə deyil.
“Təhsil
ekspertlərini 2 yerə bölmək olar. İqtidar yönümlü və müstəqil. İqtidaryönümlü
ekspertlərin sözlərinə görə, müəllimlərin maaşı artacağı halda ölkədə
infilyasiya baş verə bilər. Biz, müstəqil ekspertlərin fikrincə isə, müəllimlərin
maaşını 4 dəfə artırmaq mümkündür. Mövcud
əməkhaqqı müəllimin nüfuz və peşəsinə
verilən qiymətdir. Bu gün Azərbaycan müəllimi Afrika ölkəsi olan Tunis müəllimindən
6 dəfə, Cənubi Koreya müəllimindən isə, 20 dəfə az maaş alır. Hesab edirəm ki, müəllimlərin əməkhaqqı ən azı 2 dəfə yüksəldilməlidir”
Xəyal Əzizov
