“Azərbaycan hazırda sülh danışıqlarını həyata keçirir və hələ ki, ümidlər tükənməyib.”
Bu haqda Moderator.az saytına açıqlamasında millət vəkili Asim Mollazadə Ermənistanın Müdafiə naziri Seyran Ohanyanın “Azərbaycan hərbi əməliyyatlara başlayarsa, Kollektiv Müqaviləsi Təşkilatı (KTMT) Ermənistana hərbi kömək edəcək” kimi bəyanatına münasibət bildirib.Onun sözlərinə görə, Azərbaycan böyük səbrlə münaqişənin həllini gözləyir: “O ki, qaldı hər hansısa hərbi əməliyyata, dəfələrlə Türkmənistan və Qazaxıstan Azərbaycana qarşı səbəbindən asılı olmayaraq, hərbi əməliyyatlarda iştirak etməyəcəyini bəyan edib. Azərbaycanın hal-hazırda məqsədləri məsul danışıqları davam etdirməkdir və hələ ki, ümidlər tükənməyib”.
Millət vəkilinin sözlərinə görə Ermənistan müdafiə nazirinin dedikləri isə birbaşa ermənilərin sülh istəmədiklərini və status-kvonu qoruyub saxlama istəklərini sübut edir:
“Ermənistanın bu mövqeyini eyni zamanda onun sahibləri də dəstəkləyir. Məlum olduğu kimi Ermənistan artıq müstəqil dövlət deyil. Ermənistan dövlət yox, vassaldır.”
