Xəbər verdiyimiz kimi ABŞ və onun müttəfiqləri son günlər diktator
Bəşər Əsəd rejiminə qarşı mülayim mövqe
sərgiləməkdədir . Amma bir müddət öncə ABŞ-ın
Əsədə qarşı verdiyi bəyanatlar müttəfiqlərin tezliklə Suriyaya hərbi müdaxilə
edəcəyini gündəmə gətirmişdi. Maraqlıdır özünü “demokratiya beşiyi” adlandıran
bir dövlət yüz mindən çox insanın ölümünə səbəb olan diktatorla niyə əməkdaşlıq
etməyə qərar verdi?
Mövzu ilə əlaqədar olaraq Moderator.az-ın sualını cavablandıran
politoloq Zərdüşt Əlizadə ABŞ-ın bu addımında qeyri-adi hal olmadığını dedi:
“ Amerikanın Yaxın Şərq və Ərəb dünyasındakı bütün müttəfiqləri
diktatorlardır. Kral Abdulla, Qatarın, Küveytin əmirləri, hamısı ABŞ-ın ən
yaxın müttəfiqi olan diktatorlardır. Ona görə də biz ABŞ-ın Əsədlə əməkdaşlıq
etməsinə təəccüblənməməliyik. Amma mən hesab edirəm ki, ABŞ gec-tez Bəşər Əsədi
devirəcək və bu çevriliş indikindən də çox insanların ölümü ilə nəticələnəcək”.
